Fake ‘reader woman’ conned me

Yuh know say woman a real scammer. Mi use to sell ground provisions at the market and there was always this nice customer.

Every other higgler love har off but she wasn't the talkative type. She would just smile when we run joke with her and buy her goods. One day mi a drive go home and buck her at a bus stop and offer her a ride. She take it and mi put in a few good words and the thing take off. One night she invite me to her place. Mi carry $19,000 and we enjoy the night. The next morning mi wake up, and STAR mi see smaddy dress up inna full white wid dem head wrap up. Mi jump up and when mi turn on di light and look, mi realise say a di woman and is the most evil face mi a see. Mi start draw on mi clothes and when mi look at the spot where mi did lay down, mi realise say di woman take a chalk and draw out mi figure in the bed. It look like sup'n from a crime scene. A di longest mi pants take to put on because mi panic. She come sit on the bed beside me and start talk say she is a reader woman and a bag a tings. Mi fly out di house and reach mi car and when mi feel mi pocket, not even dollar not in it. Mi decide say mi nah left mi money and go back go ask her fa it. But when mi go back inside, a bare tings she a chant and a wet up the room with sup'n inna a bottle. Mi just take di wings of the morning and cut. Mi have nightmare about the incident fi days. The next week mi see her at the market and she just act like nothing never happen. Mi finally brave up and tell mi frens about it and dem laugh mi to scorn. Every time mi think about it now mi just realise say she just come up with a sly way to rob mi and frighten mi so mi nuh create a scene over it.