I married by neighbour’s man

Mi say STAR, mi neighbour did have a man whe she always a boast bout. She always a boast a say him is a good father and all those nice things. Mi did live with mi babyfather but him did bruk and hungry.

Mi neighbour man always come in dem wash area and a quint him eye dem after mi, and mi tell mi self say mi want him. We exchange number and it never take long fi mi and him start link up a mi cousin yard.

Well, it so happen that me get pregnant for him. Dem time deh mi have three kids already and you wah hear how di gyal a ask mi say why mi make mi babyfather breed mi again. Mi just laugh cause a pity she never know say it was her man. Well STAR, it never take long fi she find out. One day she gone work and him text mi say him want we to try something different, and say mi must come over dem yard. I don't know why mi make di devil lead mi into her bedroom. She did have callaloo and pork in the fridge and him hot up some give mi.

Mi was about five months pregnant and as mi done eat him say him want sex. Mi lay down pon her bed, and the more me look up on dem picture above the bed, the more turned on mi get. We do wi ting, but me a leave the house a she dat we buck up inna a pull di grille.

Mi run go back inside a look somewhere fi hide, and a pray fi she nuh start no excitement. But mi seh it come in like mic in her throat because di entire neighbourhood come out, including the man whe mi did live with. By the next day, everyone start talk how mi take di oman man and breed fi him, and she should a beat mi.

My babyfather leave but mi did glad cause him never serve nuh purpose. Long story short: Mi have a next youth fi mi neighbour man, and we together now.

We got married year before last.

Got a confession? Why not share with us: star@gleanerjm.com; telephone (876) 922-3400