Handyman tricked me with his boss’ car

STAR, years ago when it was mi first year a college, if yuh nuh have a man who a drive dem time deh, you would be considered a fool.

One night mi and mi fren dem go Quad nightclub and mi see some youth come in. Every minute one a dem go a di bar and a bare expensive liquor him did a buy.

Afterwards, him send call mi and, naturally, mi go over there, and him tell we to make we go outside go talk. When mi go outside, him drive a nice Honda and dem time deh, Honda Accord a carry di swing.

Mi feel good when mi seet and before yuh know it, mi clothes take off long time and we carry on bad in the back seat. After we finish, him all offer to carry home mi and mi fren dem.

Nobody hype like mi after that, and every day we text. Him invite mi to come link him a him yard. Mi tell him to come pick mi up, but him say the car deh garage so mi must take a taxi.

But when mi reach a him yard, is like him was a different person. Di bwoy lose all a him swag and come meet mi in a stretch-out neck shirt, and him look like him waan bathe.

Mi don't know why mi never go back in the taxi and go home, because when we a walk go 'round a him yard, everybody a look pon mi strange. Some yute all say, "Yuh buss man".

Mi never understand what a happen until mi reach him yard. Di bwoy live in a shack and is a likkle bed and a fan alone inna him house. When mi start ask him a wah happen, him finally tell mi say it was his boss' car.

It turns out say a never him a pay fi di drinks dem. Him was just a handyman and di 'send out' bwoy fi the community. Di bwoy all have di nerve a beg mi sex. Mi just take up mi bag and leave.

Because we did in the house for a little while, him neighbour dem buss bare blank and create excitement when mi a come out, cuz dem a say him 'bingo'.

Mi never take a next call from him. Years later mi see him a market a sell yam and as him see mi, him shout out to di next higgler say mi a him ex-girlfriend. Mi just hold mi head straight.