Soljie a mad me

Mi seh, me use to turn up mi nose at the gyal dem who frighten fi soldier man, but it turn round that mi a mad over one.

So here how mi meet him. The area weh mi live inna a one a dem whe dem did drop state of emergency inna, and it just happen that dem pitch tent almost a mi yard gate. The first couple of days dem deh there, a bare woman a fishin' round the place. Anyways, one a di soldier dem always a come beg mi ice water and a make much a mi, and fi some reason mi kinda did like the flirting ting.

Sometimes him beg mi make a cup a tea fi him, and mi just like how him look in him uniform. Mi don't know if a di gun or wah, but him look nice. We exchange numbers and we talk all the time. Next ting me know, mi start send him naked pictures and all start get jealous when mi see other 'oman round him.

Mi have mi man, and it come like him all start look scrawny in my eyesight. When we a make love a soljie me a think 'bout. One night the soldier man ask if him can sleep a mi yard and mi tell him yes, especially since mi did vex with mi man and know him wouldn't pop up. Soljie come and nah lie, him deal with mi body properly.

After that him sleep a mi yard right through. All when him on duty, him pop up. Mi think him was mi man, because mi all a cook him food for him and buy him all a sneakers.

Anyways STAR, him gone back a camp now and mi barely a hear from him. No matter how mi call him phone him barely wah answer. When him do answer, him ask mi if mi can fall in love with people man.

Note, this bwoy never tell mi him have 'oman, enuh. More time mi can't hear from him, him say him deh military jail. Right now mi feel like mi a mad 'cause me really want him, and him nah pay mi no mind. Right now everytime mi deh anywhere and see a 'rat patrol' a pass, mi a stare out mi eyes to see if a him.