Roommate caught me in bed with her man

Mi say STAR, dem say a man cut Jeezas slippers, and mi believe it 'cause man lie. Mi say mi recently move from where mi live because a one ediat bwoy and him girl. Mi and di yute was best friends fi a while - mi mean we work at di same place and all.

Mi was a lesbian fi a while, so mi never once see him sexy or anything. Mi know him girlfriend and both a dem encourage mi to come live with dem because dem need a roommate to help them with the rent. When mi move in we were like peas in a pod. We eat outta one pot and share everything.

Weeks after mi move in, mi fren a say him like mi and mi a tell him say mi naah pree him dah way deh cuz mi nuh too inna man. Him never stop try until him win mi over, and before yuh know it, me and him a have sex every chance we get. Him girlfriend never suspect anything because mi dress like a man and ting. To cut a long story short, one day she go work and fall ill and come back home unexpectedly, and come find mi in har bed. Mi think she a guh tackle her man, but a mi she start rush, so mi push her out di way and leave. She start send bare message to mi phone, say mi ugly and look like a man and a bag a tings.

My brethren now tell her a bag a lie 'bout a mi seduce him. Him tell mi say I need to leave because mi a try mash up him relationship. STAR, di girl believe everything. Mi move out, and me all quit mi job 'cause mi neva waah see him after dat.

All now me caah believe seh a suh man lie. Mi will never believe a man ever again, even if him tell mi say di sky blue.