I was a one-minute man

STAR, mi say a piece a ting reach me one time, it never normal; but more time when yuh get some signs yuh fi follow you mind.

Mi friend link mi pon a topless dancer and from the first time mi see har, mi tell mi self say mi affi get in her pants. Mi mek di link and she tell mi say she rate mi style and we can flex.

Mek plans and say we a drive go one motel, and would you believe say likkle after we drive out mi buck up ina police? Mi never have no insurance on the car so it cost mi $6,000.

Mi a wonder a wat kind a crosses dis because a years mi a drive without documents and police never stop mi. Mi brush it aside, especially since the girl start feel mi up in the car.

We reach di place and mi pay a next $1,500 for di room and buy two Magnum and say a shelling time now. But STAR, as the girl start kiss mi up, mi 'buss'.

Mi shame like dog, because is not like she did touch mi down there. Mi is a man whe nuh really take long fi get going again so mi have to stall for about half an hour before mi ready again.

But as mi start, mi literally no guh 10 seconds before mi finish. She get vex and say she ready. She beg mi $5,000 and mi just have to give her because mi never wah she go talk.

The way mi vex and shame mi tell her say mi ago call a cab fi her. Fi about three weeks mi avoid the place whe she dance. When mi go back deh mi think she forget about it because she see mi and hail mi normal. But afterwards a Tanya Stephens song start play whe say ' yuh nuh ready fi dis yet bwoy' and she walk up to mi and start buss bare blank, and do about three money pull up. Mi just put mi tail between mi leg like a dog and tek whe miself.