Side man heard me having sex

STAR, mi did have two man one time and a piece a ting reach mi it nuh normal. Mi did live with mi babyfather and mi best friend and mi did deh with a police youth on the side.

Mi did just meet di policeman and we love off each other and mi and both man a gwan good. One Friday evening mi man leave and say him a go spend di weekend with him mother and mi did glad because mi get the opportunity fi mi side man come spend di time at the house with mi. Friday night went well and we have sex most a di night and di same ting happen Saturday in the day. All this time, mi a text mi babyfather and tell him say mi miss him because mi nuh want him feel any way and mi have to cover mi tracks good. The Saturday night start off good again and mi and the police deh pon di sofa a gwan with a bag a tings and mi friend in her room. STAR next ting mi know mi phone start ring and mi see say a mi man but mi nah pay him nuh mind until couple minutes after mi finish and go in the bathroom go bathe. Mi see mi fren run come in deh with har eyes a spin in her head. She tell mi say mi babyfather come and a knock on the door.

Mi almost dead but mi think fast and tell her to make mi side man go in her room and pretend like is her man. Thankfully di police work with it. Mi man come and start kiss mi and tell mi say him come home early because we miss each other. Him ask who was the man and mi tell him say a mi fren man and him all go hail him. Mi say mi shame like dog but it never stop deh so.

Inna di night mi babyfather say him want sex and nuh ask if di man nuh give it to me. All this time mi know di police nah sleep and mi try not to cry out but him hear everything.

The next morning when mi babyfather leave for work di side man just come out and say 'Mi hear di man a shell yuh dung last night, it sound like him wickeda dan mi'. Mi never answer the way mi shame.