Best friend gets pregnant in threesome

Soh dis couple up yah a Orange Man Lan been trying to get baby fi a lang time now. Dem try an try an try … but just could not have a child. Of course, in the miggle of all dat trying, life goes on, including doing whatever they need to do to keep their relationship exciting.

Soh one time now di woman bring it up to har man dat they could do a threesome. Yeah, a di woman bring it up to him … not him bring it up to har. Di man pree weh she propose an respond dat if it could set up wid di right person him woulda love fi dweet. Over months they had several conversations bout it, until the woman decided dat di best an safest person fi dweet wid dem would be har best fren. Yup … a dat mi say … she decide pon har best fren.

Di woman den bring di matta to har best fren who wasn’t too keen on it, but di woman neva stop persuade an seduce har into di idea. Afta a while har best fren give in an say she we dweet.

Di day fahwud and dem dweet.

Anyway, more dan two months afta di threesome, di best fren link di woman an tell har say she a breed an dat a har man breed har inna di threesome. Yups. Di woman head staat tek har wen she memba dat not only did har man did indeed pap off inna har best fren … him did dweet two times! Soh she ask di best fren if she sure? Di best fren say she more dan sure because dat was di ongle sex she had inna a long time. One piece a back-an-forth arguing den gwaan between di woman an har best fren fi days.

Finally, di woman ask di best fren fi dash weh di belly. Di best fren became offended dat di woman ask har fi do dat an responded by telling her dat she will definitely be having the child.

Now dis woman, who has been trying for years to have a child wid har man, who brought up di proposal of a threesome to har man, a bawl every day now an a chat say har best fren a wicked fi a goh have di baby.

Seriously?