My Confession: I tricked my superstitious granny

STAR, me spend most a me early years in the country with my superstitious grandmother.

Every little thing see she think was a sign or warning. If she a go market and mongoose run cross the road, she would turn back and say her goods nah go sell. If me ever make the mistake and sneeze on her when she a go do her business, try know seh she a give me two lick out of her slippers bottom and say me a salt her up.

Anyway, one day me and me big sister plan for her yuh see. She have one rooster weh she cherish. Every morning she would get up and make him get extra feeding, and him would eat his corn before the hens. She say it was a gift from her ex-husband and the cock was the only thing he left that has a little value.

One day, me and mi sister catch the fowl and carry him go tie out way down a one riverside, so when him crow me granny couldn't hear it. She accuse me neighbour daily say is she teef it and that she bad mind.

Three days later, we pluck out some a the fowl feather from close to the neck and put a red string weh soak inna coconut oil around it and hide and bring it back. The rooster glad to see me granny so him run to her, but she would not have it. She run like Merlene Ottey and start scream say dem send obeah for her. The woman start bawl out say a bare pain she a feel in her joints and say her back a scratch her. She put down one piece a praying, and next ting we know is that she kill the rooster and bury it. Me did feel bad for the poor fowl, but me never know she a go take it so drastic. She blame the neighbour and dead with it in her heart.