My Confession: My best friend chat out mi business

STAR, dem say yuh nuffi trust friend, and a true. Me did have a friend, and nuff people use to think we a sister. She used to live a country, and when her people dem cut, me invite her to come stay with me and get a job.

Anyway, she come share house with me and my boyfriend, and for a while, everything a go perfect. She was like me listening ears because everything me tell her.

Me did have a side man and a she alone did know bout him because when we fi link up she always have to tag along behind me.

Every little thing me, have to include her, so more time, when money fi collect, a she do it.

Me always a tell her how the new man ting shaky in the bedroom and that him can't last long. She always laugh the loudest bout it.

Next ting me know is that me original man start drop word bout the new man. More time, the things that him a say connect, and me a wonder how him know.

A few months later, the bunna man stop give me him things and me really a wonder a wat could a cause it.

One day, me a call him and him nah ansa me calls. So me borrow her phone and realise say she save him number under another name.

That spark me curiosity, so me search her messages dem, and me almost blind. She not only tell him say me say him lame, but she woulda 'wuk' him as well so him left me and deh with her.

A nuh me and him alone leave cuz me original man cut too cuz she preach out everything to him.